Ertaga Toshkentdagi ayrim ko‘chalar vaqtinchalik yopiladi

Ertaga, 22 may kuni O‘zbekiston milliy terma jamoasini Jahon chempionatiga kuzatish tadbiri munosabati bilan ayrim ko‘chalarda vaqti-vaqti bilan harakat cheklanadi. Bu haqda Toshkent shahrida Yo‘l harakatini tashkil etish markazi xabar berdi.

Qayd etilishicha, tadbirni yuqori saviyada va xavfsiz tashkil etish maqsadida 22 may soat 16:00 dan 21:00 gacha Toshkent shahrining qator ko‘chalarida vaqti-vaqti bilan transport vositalari harakati vaqtincha cheklanadi.

Tadbir davomida quyidagi yo‘nalishlarda harakat vaqti-vaqti bilan cheklanishi mumkin:

• Chilonzor–Cho‘ponota ko‘chalari chorrahasidan Cho‘ponota ko‘chasi bo‘ylab Qatortol–Cho‘ponota ko‘chalari chorrahasigacha;
• KXAY–Chilonzor ko‘chalari chorrahasidan Chilonzor ko‘chasi bo‘ylab Chilonzor–Cho‘ponota ko‘chalari chorrahasigacha;
• KXAY–Bunyodkor ko‘chalari chorrahasidan Bunyodkor ikkinchi darajali yo‘li bo‘ylab Bunyodkor–Cho‘ponota ko‘chalari chorrahasigacha.
• Nurafshon–Sebzor ko‘chalari chorrahasidan Sebzor ko‘chasi bo‘ylab Islom Karimov–Bunyodkor ko‘chalari chorrahasigacha;
• Islom Karimov–Bunyodkor ko‘chalari chorrahasidan Bunyodkor ko‘chasi bo‘ylab Bunyodkor–Ikkinchi Qatortol ko‘chalari chorrahasigacha.

Haydovchilardan oldindan muqobil yo‘nalishlarni rejalashtirish so‘raladi.