Qirg‘iz-tojik chegarasidan chegarachilar olib chiqilishi mumkin

north_east

Tojik-afg‘on chegarasida 6 oy ichida 10 ta qurolli to‘qnashuv sodir bo‘ldi

Qirg‘iziston Milliy xavfsizlik davlat qo‘mitasi raisi Qamchibek Tashiyev Qirg‘iziston va Tojikiston o‘rtasidagi chegarada doimiy chegara o‘rnatish zarurati tez orada yo‘qolishi mumkinligini aytdi. Bu haqda u bugun, 30 oktyabr kuni Manas shahrida bo‘lib o‘tgan MDHga a’zo davlatlar Chegara qo‘shinlari qo‘mondonlari kengashining 91-yig‘ilishi chog‘ida so‘z ochdi.

Tashiyevning so‘zlariga ko‘ra, Qirg‘iziston va Tojikiston rahbarlari Sadir Japarov va Imomali Rahmon ikki mamlakat aholisi “faqat do‘stlikda yashashi” uchun sharoit yaratish ustida ishlamoqda.

Bundan tashqari, Milliy xavfsizlik davlat qo‘mitasi Chegara xizmati ma’lumotlariga ko‘ra, 2025 yil 25 oktyabr holatiga ko‘ra, Qirg‘iziston-Tojikiston chegarasida keng ko‘lamli muhandislik ishlari yakunlangan: 107 kilometrdan ortiq sim, temir-beton ustunlar, tikanli simlar, 3D to‘siqlar o‘rnatildi, 143 kilometrdan ortiq yo‘l qurildi.

Chegarachilarning olib tashlanishiga oid boshqa tafsilotlar hozircha oshkor etilmagan.