15 aprelgacha barcha Paynet nuqtalarida yonilg‘i kartasini to‘ldirish — 1%

15 aprelgacha foydalanuvchilar Paynet-ATTO yonilg‘i kartalarini minimal 1 foiz komissiya bilan to‘ldirishlari mumkin. Barcha Paynet o‘z-o‘ziga xizmat ko‘rsatish terminallari va Paynet operatorlari orqali to‘ldirish, nafaqat AYOQSHda. Raqamli to‘lovlarga o‘tish va naqd puldan foydalanishni kamaytirish sharoitida Paynet kompaniyasi yonilg‘i to‘lovi uchun oddiy va qulay yechimni taqdim etadi. Maxsus yonilg‘i kartalari mijozlarga to‘g‘ridan to‘g‘ri yonilg‘i quyish shoxobchasida kartani sotib olish va faollashtirish, shuningdek, keyingi hisob-kitoblar uchun uni darhol to‘ldirish imkonini beradi.

Paynet’ning ta’kidlashicha, hamma foydalanuvchilar ham bank kartasi yoki elektron hamyonga ega emas. Shuning uchun ATTO bilan birgalikda yonilg‘i uchun to‘g‘ridan to‘g‘ri AYOQSHda to‘lash mumkin bo‘lgan to‘lov kartalari ishga tushirildi. Bu to‘ldirish va to‘lov jarayonini tez, qulay va hamma uchun ochiq qiladi.

Agar foydalanuvchida yonilg‘i kartasi mavjud bo‘lsa, u Paynet’ning barcha shoxobchalarida, jumladan, o‘z-o‘ziga xizmat ko‘rsatish kiosklari va odatiy to‘lov qabul qilish nuqtalarida hisobini 1 foiz komissiya bilan naqd pulda to‘ldirishi mumkin.

Ushbu imkoniyat naqd pulsiz to‘lovlarga o‘tishni soddalashtirishga qaratilgan bo‘lib, yonilg‘i kartalarini to‘ldirishni barcha foydalanuvchilar uchun yanada arzon va qulay qiladi.

Eslatib o‘tamiz, 15 apreldan keyin 1 foiz komissiya faqat yonilg‘i quyish shoxobchalari operatorlarida qoladi.

Reklama huquqi asosida