Raqamli davlat boshqaruvi: Huawei GovTech 1.0 intellektual boshqaruv rivojlanishining yangi bosqichi

Sun’iy intellekt davlatlarning global raqobatbardoshligining asosiy omillaridan biriga aylanmoqda. Texnologiyalarning jadal rivojlanishiga javoban Huawei GovTech 1.0’ni taqdim etdi — bu sun’iy intellekt davrida raqamli davlat boshqaruvini yanada rivojlantirish konsepsiyasidir. Gap shunchaki yangi raqamli yechimlarni joriy etish haqida emas, balki ma’lumotlar, bulutli texnologiyalar va sun’iy intellekt yordamida yanada proaktiv, qulay va fuqarolarga yo‘naltirilgan davlat xizmatlarini shakllantiruvchi raqamli davlatning keyingi yetuklik bosqichiga o‘tish haqida bormoqda.

Raqamlashtirishdan sun’iy intellekt davriga

So‘nggi yillarda dunyoning ko‘plab mamlakatlari, jumladan O‘zbekiston ham raqamli davlat xizmatlari, idoralararo hamkorlik va zamonaviy raqamli infratuzilmani rivojlantirishda sezilarli yutuqlarga erishdi. Avvallari asosiy e’tibor alohida jarayonlarni raqamlashtirish va elektron xizmatlarni yaratishga qaratilgan bo‘lsa, bugungi kunda keyingi bosqich — yanada intellektual va integratsiyalashgan davlat boshqaruvi tizimini shakllantirishdan iborat.

Bulutli texnologiyalar va sun’iy intellekt rivojlanib borar ekan, davlatlar ma’lumotlarni boshqaruv samaradorligini oshirish, iqtisodiyotni rivojlantirish va davlat xizmatlari sifatini yaxshilash uchun strategik resurs sifatida qo‘llaydigan modelga o‘tmoqda. Sun’iy intellekt davrida ma’lumotlarni integratsiyalash, proaktiv xizmatlarni rivojlantirish va davlat boshqaruvining yanada moslashuvchan raqamli arxitekturasini yaratish alohida ahamiyat kasb etmoqda.

Global istiqbollarni baholash uchun Huawei Global raqamlashtirish va intellektuallashtirish indeksi — GDII (Global Digitalization & Intelligence Index)ni taqdim etadi. Huawei, IDC va GSMA Intelligence bilan hamkorlikda ishlab chiqilgan ushbu indeks 90 ta mamlakatni 7 ta yo‘nalish bo‘yicha taqqoslaydi: ma’lumotlarni yaratish, uzatish, qayta ishlash, saqlash va qo‘llash, shuningdek raqamli energetika, siyosat, iste’dodlar va ekotizim. Bu esa, uzoq muddatli raqamli rivojlanish strategiyalarini shakllantirish va sarmoyalarni yanada samarali rejalashtirish uchun muhim yo‘nalish beradi.

GovTech 1.0

Huawei’ning fikriga ko‘ra, dunyo tarmoqlar, bulutli hisoblash va intellektual texnologiyalarning chuqur integratsiyasiga asoslangan rivojlanishning yangi bosqichiga kirib bormoqda. Bunday sharoitda ma’lumotlar zamonaviy davlat uchun eng muhim resurslardan biriga aylanmoqda, raqamli platformalar esa, sun’iy intellekt davrining yangi imkoniyatlariga moslashish va yanada rivojlanishni talab qilmoqda.
GovTech 1.0 bu infratuzilma, ma’lumotlar va intellektual xizmatlarni yagona boshqaruv ekotizimiga integratsiyalashga yo‘naltirilgan raqamli hukumatni rivojlantirishning yaxlit arxitekturasi hisoblanadi.

“Bugungi kunda raqamli transformatsiya oddiy jarayonlarni avtomatlashtirishdan ancha keng tushunchaga aylandi. Keyingi bosqich — ma’lumotlar va texnologiyalar davlatlarga fuqarolar hamda biznes uchun yanada qulay, shaxsiylashtirilgan va proaktiv xizmatlarni taqdim etishga yordam beradigan intellektual ekotizimni shakllantirishdir. GovTech 1.0 orqali biz yangi avlod intellektual davlat boshqaruvi uchun texnologik asosni rivojlantirmoqdamiz”, — dedi Jesson Ni, Huawei’ning Yaqin Sharq va Markaziy Osiyo mintaqasidagi AKT marketingi va yechimlar savdosi bo‘limi prezidenti.

GovTech 1.0’ning to‘rtta darajasi

Huawei GovTech 1.0 raqamli davlat boshqaruvini yanada rivojlantirish uchun o‘zaro bog‘liq to‘rtta darajaga asoslangan kompleks yondashuvni taklif etadi.

Tarmoqlarning keng doirali qamrovi

Huawei barcha davlat tuzilmalari uchun ultra keng doirali, ko‘p funksiyali va konvergent tarmoqlarni joriy etishni taklif etadi. Wi-Fi 7 va IPv6 texnologiyalaridan foydalanish davlat platformalari, milliy bulut infratuzilmasi hamda chekka qurilmalar (kameralar, planshetlar) o‘rtasida ishonchli o‘zaro aloqani ta’minlaydi.

Platformalarni standartlashtirish

GovTech 1.0 zamonaviy davlat bulutli platformalarini yaratish hamda hisoblash resurslari va ma’lumotlarni boshqarishning yagona yondashuvlarini qo‘llab-quvvatlaydi. Bunday yondashuv idoralararo hamkorlikni yanada samarali tashkil etish, sun’iy intellekt platformalarini rivojlantirish, raqamli xizmatlarni kengaytirish va axborot xavfsizligining yuqori darajasini ta’minlashga xizmat qiladi. Standartlashtirilgan bulut infratuzilmasi, shuningdek, davlat tashkilotlariga zaruratga qarab hisoblash resurslari va NPU quvvatlaridan moslashuvchan foydalanish imkonini berib, keyingi sun’iy intellekt transformatsiyasi uchun asos yaratadi.

Ma’lumotlarni uyg‘unlashtirish

Intellektual davlatning eng muhim omillaridan biri – ma’lumotlar bilan samarali ishlash hisoblanadi. Huawei GovTech 1.0 ma’lumotlarning xavfsiz almashinuvi, ma’lumotlarni boshqarish sifatini oshirish va davlat axborot tizimlarining yanada chuqur integratsiyasi uchun sharoit yaratishga yo‘naltirilgan. Bunday yondashuv xavfsizlik va raqamli suverenitet talablariga rioya qilgan holda idoralararo hamkorlik samaradorligini oshirish hamda ma’lumotlar asosida qo‘shimcha qiymat yaratishga xizmat qiladi.

Ilovalarni intellektuallashtirish

Innovatsiyalarni joriy etishni tezlashtirish maqsadida Huawei DevCloud va ModelArts kabi zamonaviy bulutli ishlab chiqish vositalari hamda sun’iy intellekt platformalarini taklif etadi. Ushbu yechimlar davlat xizmatlariga sun’iy intellektni integratsiya qilishni soddalashtiradi va yangi raqamli ilovalarni yaratishni tezlashtiradi.

Intellektual kelajak

Dunyo sun’iy intellekt davriga o‘tib borar ekan, davlatlar raqamli platformalar, integratsiyalashgan xizmatlar va intellektual infratuzilmani rivojlantirishda davom etib, yangi raqamli iqtisodiyot bosqichi uchun asos yaratmoqdalar. Huawei’ning ta’kidlashicha, GovTech 1.0 intellektual davlat boshqaruvini yanada rivojlantirish, raqamli xizmatlar samaradorligini oshirish hamda davlat, fuqarolar va biznes o‘rtasida yanada proaktiv hamkorlik modelini shakllantirish vositalaridan biri bo‘lishi mumkin.