Sevishganlar sabab puldan guldasta yasash taqiqlandi

Keniyada puldan guldasta yasaganlar 3 oygacha qamalishi mumkin. Bu haqda 14 fevral – Valentin kuni fonida mamlakat Markaziy banki ogohlantirish bilan chiqdi.

Qayd etilishicha, so‘nggi paytda Keniyada shilling banknotalaridan guldastaga bezak sifatida foydalanish holatlari ko‘paygan. Bu esa valyutaning yaxlitligi buzilishiga sabab bo‘lishi mumkin. Chunki tez-tez yelim, shtapel va ignalardan foydalanish banknotalarni muomalaga yaroqsiz qiladi. Bu esa banknotalarni qayta ishlash jarayonida rad etilishining ko‘payishiga va valyutani muddatidan oldin olib qo‘yish va almashtirishga olib keladi.

Bank naqd puldan sovg‘a sifatida foydalanishga qarshi bo‘lmasa-da, bunday foydalanish banknotalarni o‘zgartirishi, shikastlashi yoki buzadigan hech qanday harakatlarni o‘z ichiga olmasligi kerak.

Keniya Jinoyat kodeksining 367-moddasi bilan valyuta banknotlari butligini buzish, shikastlash yoki yaroqsiz holga keltirish taqiqlangan. Unga ko‘ra, aybdor deb topilganlar 3 oygacha qamoq jazosi, 2000 shilling (15,50 AQSH dollar) miqdorida jarima yoki ikkalasi bilan jazolanishi mumkin.

Ma’lumot uchun, Keniya jamoatchilikni bunday ulkan romantik imo-ishoralardan ogohlantirgan yagona Afrika davlati emas. 2023 yil mart oyida Gana bankining Valyuta departamenti direktori odamlarni naqd pul savatlari va guldastalarida sedi kupyuralaridan foydalanmaslikka chaqirgan.

Javohir Aliqulov