To‘polonchi bolalarning ota-onasi uchun xushxabar bor
Bu qiziq
−
07 mart
4326Bolalikda aka-uka, opa-singillar o‘rtasida bo‘lib turadigan tortishuvlar ularning aqliy rivojlanishiga ijobiy ta’sir ko‘rsatadi. Kembrij universiteti professorlari tomonidan o‘tkazilgan tadqiqotda kichkintoylarning bahslari va ularning miya faoliyati o‘rtasida bog‘liqlik borligi aniqlandi.
Loyiha jamoasi aka-uka va opa-singillar orasidagi raqobat keyinchalik xulq-atvor va o‘zaro munosabat o‘rnatish bilan bog‘liq muammolarga olib kelishidan ogohlantirgan bo‘lsa-da, yangi tadqiqot zo‘ravonliklarsiz janjallar aqliy o‘sish uchun foydali ekanini ko‘rsatgan.
Qayd etilishicha, aka-uka yoki opa-singilning bo‘lishi ota-onaning e’tiborini qozonishga undaydi. Natijada turli xil bahslar yuzaga keladi. Tabiiyki, munozaralarda qatnashish, ayniqsa bolalarning o‘zlaridan katta aka-opalari bilan poygaga kirishishi, keyinchalik ularning ijtimoiy qobiliyatlarini, so‘z boyligini va jismoniy imkoniyatlarini oshiradi.
Farzandlarining doimiy janjallaridan charchagan ota-onalar bu hayotiy ijtimoiy kompetensiyalarni o‘rganishning bir qismi ekanligiga ishonch hosil qilishlari mumkin. To‘polonchi og‘a-inilar ko‘pincha testlarda yaxshi natijalarga erishadilar va kuchli ijtimoiy ko‘nikmalarga ega bo‘lgan bolalar kattalar kabi fikr yurita oladigan darajaga yetadi.
Kembrij universiteti professorlari 2 va 6 yosh oralig‘idagi 250 nafar bolani kuzatgan. Tadqiqot shuni ko‘rsatadiki, aka-uka o‘zaro munosabatlari ko‘pincha ziyraklikni oshirishi mumkin.
“Bizning dalillarimiz shuni ko‘rsatadiki, bolalarning ijtimoiy tushunchasi ko‘p hollarda aka-uka va opa-singillar bilan o‘zaro munosabatlari tufayli sayqallanadi”, deydi Kler Xyuz.
Rayhona Ulkanbayeva
LiveBarchasi