Алиқулов “Ризеспор” билан шартномасини узайтирди

Туркиянинг “Ризеспор” жамоаси Ўзбекистон миллий терма жамоаси ҳимоячиси Ҳусниддин Алиқулов билан шартномани 1 йилга узайтирди. Бу ҳақда клуб матбуот хизмати хабар берди.

Қайд этилишича, Туркия клуби Ҳусниддин Алиқулов билан тузилган меҳнат шартномасида мавжуд бўлган +1 йил опциясидан фойдаланиб шартномани узайтирган.

“Гёзтепе” билан бўлиб ўтган ўйинда жароҳат олиб, ўйинни тарк этган Ҳусниддин Алиқуловга олдинги хочсимон боғламнинг йиртилиши, пателлар шикастланиши, медиал ва латерал менискусда йиртилиш, қон кетиши ва шиш ташхиси қўйилган. 26 ёшли футболчимизнинг тикланиш даври 6 ойдан 9 ойгача бўлиши тахмин қилинаётган эди, у мавсумни якунлади. Футболчининг ўйини ва садоқатини инобатга олган ҳолда, клубимиз мавсум тугашидан олдин бир йиллик имкониятдан фойдаланди ва унинг шартномасини 2026-2027 йилги мавсум охиригача узайтирди”, дейилади клуб хабарида.

Маълумот учун, Алиқулов 2023 йил ёзидан буён “Ризеспор” сафида ўйнаб келмоқда. 

Эслатиб ўтамиз, аввалроқ Алиқулов Италия пойтахти Рим шаҳрида операция қилингани ҳақида хабар берилганди.