“Андижон”нинг қониқарсиз натижалари сабаб Бабаян истеъфога чиқарилди

Кеча, 12 апрель куни Ўзбекистон Суперлигаси 7-туридан ўрин олган “Андижон” – ОКМК учрашуви бўлиб ўтди ва унда олмалиқликлар 1:2 ҳисобида Андижондан ғалаба билан қайтди.

Ушбу мағлубият “Андижон” учун мавсумдаги бешинчиси бўлди ва 7-турдан сўнг жамоа 6 очко билан мусобақа жадвалининг 14-поғонасида бормоқда. Ўйиндан сўнг водийликлар бош мураббийи Самвел Бабаян истеъфога чиқишини маълум қилди.

“Тўғриси, эркакча гапираман: энди бу ерда бошқа ҳаракат қила олмайман. Клуб бошқарувини бошқасига бераман. Биз бу ўйиндан аввал раҳбарият билан очиқ ва самимий  гаплашдик. Рости, энди ўз ўрнимни бошқа инсонга топшираман. Яна айтаман: бу ерга натижа қилиш ва барчани хурсанд қилиш учун келгандим”, дейди Бабаян.

Маълумот ўрнида, Самвел Бабаян “Андижон” бошқарувига 2025 йил 1 декабрь куни келганди. Унгача у “Пахтакор”, “Навбаҳор”, “Локомотив”, Латвиянинг “Спартак”, ва Хитойнинг “Чанчун Ятай” каби клубларни бошқарган. Шунингдек, 2015-17 йилларда Ўзбекистон миллий терма жамоасига ҳам устозлик қилган.

Рамазон Усанов