“Барселона” Алварес учун “Атлетико”га расмий таклиф жўнатди
Спорт
−
29 Май 605 1 дақиқа
“Барселона” ҳужумчи Хулиан Алварес учун “Атлетико Мадрид”га биринчи расмий таклифини юборди. Бу ҳақда инсайдер Фабрицио Романо хабар берди.
Манбага кўра, “Блауграна”нинг таклифи 100 миллион еврога баҳоланган ва каталонияликлар бу келишувга ўз футболчиларини қўшмасликка қарор қилган.
Маълумотларга кўра, “Атлетико Мадрид” ушбу таклифдан қониқмаган. Бироқ Хулиан Алвареснинг ўзи аллақачон клуб раҳбариятидан уни “Барселона”га қўйиб юборишни сўраган.
Маълумот учун, Алварес 2024 йил ёзида “Манчестер Сити”дан трансфер қилинганидан сўнг Мадрид клубига қўшилган эди. У жорий мавсумда барча мусобақаларда 49 та ўйинда майдонга тушиб, 20 та гол урди ва 9 та голли узатмани амалга оширди.
Live
Барчаси
