Чемпионлар лигаси плей-офф босқичига чиққан 13 жамоа номи маълум бўлди 

Кеча, 21 январь куни Чемпионлар лигаси гуруҳ босқичининг 7-тур ўйинлари якунланди. Турнирнинг гуруҳ босқичи якунланишига 1 тур қолганда 13 та клуб кейинги босқичларида иштирок этиши аниқ бўлди. 

Чемпионлар лигасининг плей-офф босқичига Италиянинг “Аталанта”, “Интер”, “Ювентус”, Испаниянинг “Атлетико Мадрид”, “Барселона”, “Реал Мадрид”, Англиянинг “Ливерпуль”, “Манчестер Сити”, “Ньюкасл”, “Тоттенхэм”, “Челси”, Франциянинг ПСЖ ва Португалиянинг “Спортинг” жамоалари йўлланмани қўлга киритди. 

Аввалги турда “Арсенал” ва “Бавария” жамоалари ҳам муддатидан аввал кейинги босқичга чиқиш масаласини ҳал қилган эди. 

Шунингдек, Қозоғистоннинг “Қайрат”, Испаниянинг “Вильярреал”, Германиянинг “Айнтрахт” ва Чехиянинг “Славия” жамоалари гуруҳ босқичида иштирокини якунлаши аниқ бўлди.

Маълумот учун, Чемпионлар лигасида ўтган мавсумдан буён жами 36 та клуб иштирок этмоқда. Барча жамоалар гуруҳ босқичида 4 та ўйин уйда ва 4 та ўйин сафарда – жами 8 та ўйин ўтказади. Клублар бирлаштирилган жадвалга мувофиқ тартибда жойлаштирилади. Энг яхши саккизта жамоа автоматик равишда чорак финалга йўл олади. Тўққизинчи ўриндан 24-ўринга қадар бўлган жамоалар эса плей-офф босқичида қолган иштирокчиларни аниқлаш учун ўзаро ўйнайди.