“Реал” яна Моуриньога қарши. Чемпионлар лигаси плей-офф босқичига қура ташланди

Бугун, 30 январь куни UEFA Чемпионлар Лигаси плей-офф босқичига қуръа ташлаш маросими бўлиб ўтди. Унда Европанинг етакчи клублари 1/8 финал босқичига чиқиш учун рақибларини аниқлаб олди.

2025–2026 йилги Чемпионлар лигаси плей-офф жуфтликлари:

• “Боруссия Дортмунд” ( Германия) – “Аталанта” (Италия),
• “Олимпиакос” (Греция) –  “Байер” (Германия),
• “Брюгге” (Бельгия) –  “Атлетико Мадрид” (Испания),
• “Галатасарай” (Туркия) –  “Ювентус” (Италия),
• “Монако” (Франция) –  “Пари Сен-Жермен” (Франция),
• “Қорабоғ” (Озарбайжон) –  “Ньюкасл Юнайтед” (Англия),
• “Будё-Глимт” (Норвегия) –  “Интер” (Италия),
• “Бенфика” (Португалия) –  “Реал Мадрид” (Испания).

Плей-офф босқичининг дастлабки учрашувлари жорий йилнинг 17-18 февраль кунлари, жавоб баҳслари эса 24-25 февраль кунлари бўлиб ўтади. Умумий босқичда юқорироқ ўринни эгаллаган жамоалар жавоб учрашувларини ўз майдонида ўтказади.

Мазкур босқич ғолиблари Чемпионлар лигаси 1/8 финалига йўл олади ва у ерда умумий жадвалда энг яхши саккизта клубга қарши баҳс олиб боради. 1/8 финал босқичига қуръа ташлаш маросими жорий йилнинг 27 февраль кунига белгиланган.