Де ла Фуэнте нима сабаб “Реал” футболчиларини чақирмаганини айтди

Испания терма жамоаси бош мураббийи Луис де ла Фуэнте 2026 йил АҚШ, Канада ва Мексикада бўлиб ўтадиган Жаҳон чемпионати учун эълон қилинган таркибда “Реал Мадрид” футболчиларининг йўқлиги ҳақидаги саволга жавоб берди. Бу ҳақда де ла Фуэнте “Marca” нашрига берган интервьюсида тўхталиб ўтди. 

“Мен миллий терма жамоа мураббийиман ва бу футболчиларнинг қаерда ўйнаши мен учун аҳамиятли эмас. Улар миллий терма жамоа футболчилари. Мен у ёки бу клубга қарам эмасман. Менда мухлисларга хос тарафкашлик йўқ. Мен фақат шу футболчилар миллий терма жамоани ҳимоя қилишдан фахрланишларини истайман”, деди де ла Фуэнтени.

Де ла Фуэнте шогирдлари жаҳон чемпионатини жорий йилнинг 15 июнь куни Кабо-Верде қарши ўйин билан бошлайди. Шундан сўнг, 21 июнь куни Саудия Арабистони ва 27 июнь куни Уругвай терма жамоаларига қарши майдонга тушади.

Ундан аввал, Испания терма жамоаси жорий йилнинг 4 июнида Ироқ ва 9 июнида Перуга қарши иккита ўртоқлик учрашуви ўтказади.