Эрон Жаҳон чемпионатида иштирок этиш учун шарт қўйди 

Агар Эрон терма жамоаси ўйинлари АҚШдан Мексикага кўчирилса, мамлакат расмийлари 2026 йилги Жаҳон чемпионатида иштирок этиш имкониятини кўриб чиқади. Бу ҳақда “The Wall Street” нашри хабар берди.

Манбага кўра, Эрон спорт вазири Аҳмад Донямали Теҳрон FIFA билан гуруҳ босқичи ўйинларини бошқа жойга кўчириш масаласини муҳокама қилиши мумкинлигини айтди. Ушбу таклиф Яқин Шарқдаги сиёсий вазиятнинг кескинлашуви ва АҚШ иштирокидаги ҳарбий можаро фонида юзага келган.

Эрон аввалроқ олий Раҳбар Али Хоманаийнинг вафотидан сўнг Жаҳон чемпионатидан бутунлай чиқиб кетишни кўриб чиққан. Бироқ, Теҳрон энди ўйинлар Мексикада ўтказилса, миллий жамоа иштирок этишга тайёр эканини билдирган, бу эса уруш шароитида спортчиларнинг хавфсизлигини таъминлаш имконини беради.

Маълумот учун, Эрон терма жамоаси Бельгия, Миср ва Янги Зеландия билан бирга “Г” гуруҳига киритилган. Гуруҳ босқичининг учта ўйини дастлаб АҚШнинг Инглвуд ва Сиэтл шаҳарларида ўтказилиши режалаштирилган эди.