Франциянинг янги Бош вазири 1 ойга ҳам бормади

Жорий йилнинг 9 сентябрь куни лавозимга киришган Франция Бош вазири Себастьен Лекорню истеъфога чиқиш ҳақида ариза берди. Бу ҳақда BFM Елисей саройига таяниб хабар берди.

Лекорню ҳокимиятда 27 кун ўтказди, бу Франция бош вазирининг энг қисқа муддати эди. Бир кун олдин Лекорню мамлакатнинг янги ҳукуматига тайинловлар ҳақида эълон қилди. Аввалги Вазирлар Маҳкамасидаги баъзи вазирлар, масалан, Ички ишлар вазири Брюно Ретайо ва Адлия вазири Жеральд Дарманен ўз лавозимини сақлаб қолди. Айримлари аввал Макрон ҳукуматларида ишлаган, жумладан, янги мудофаа вазири Брюно Ле Мэр 2017 йилдан 2024 йилгача иқтисодиёт вазири лавозимида ишлаган.

Тайинлашлар вазирларнинг ўзлари томонидан ҳам, мухолифат томонидан ҳам танқид қилинди. Ўта ўнгдаги Миллий ралли партияси раҳбари Жордан Барделла “францияликлар кутаётган бурилиш нуқтасини” амалга ошира олмаган янги ҳукуматдан ҳафсаласи пир бўлганини айтди. Ретайо, шунингдек, “ваъда қилинган ютуқ” йўқлигидан норозилигини билдирди.

“France24”нинг ёзишича, Лекорню бош вазирлик даврида ҳеч қачон француз сиёсати ҳақида баёнот бермаган. Унинг Миллий Ассамблеядаги асосий нутқи 7 октябрга белгиланган эди.

2024 йил январда Элизабет Борн бош вазир лавозимидан кетгач, ҳукумат раҳбари бўлган Габриэль Атталь шу йили июль ойида истеъфога чиқди. 2024 йилнинг сентябрь-декабрь ойларида Мишель Барнье Франция бош вазири бўлди. Декабрда Франция Президенти Эммануэль Макрон марказчи “Демократик ҳаракат” (MoDem) партияси етакчиси Франсуа Байруни мамлакат Бош вазири лавозимига тайинлади. Лекорню ҳукумати ишончсизлик вотуми билан юзма-юз келган Франсуа Байрудан сўнг бош вазир лавозимини эгаллаганди.