Германия Эронга қарши урушда иштирок этмаслигини маълум қилди

Германия Мудофаа вазири Борис Писториус Германиянинг Эронга қарши урушда қатнашмаслигини таъкидлади. Бу ҳақда у парламентдаги муҳокамада сўз очди.

Вазир Германия можарон томонда эмаслигини, балки кескинликни пасайтириш ва зўравонликнинг кенгайишини чеклашга ҳаракат қилишини билдирган.

Бундестагда ўтказилган муҳокамада Писториус урушдан кейинги давр учун аниқ стратегия зарурлигини айтган. Унинг фикрича, ҳарбий можарони бошлаш осон, аммо уни якунлаш қийин. Шу сабабли минтақадаги муаммоларни фақат ҳарбий куч билан ҳал қилиш мумкин эмас.

Қолаверса, Парламент муҳокамаларида сиёсий партиялар турли позициялар билдирган. Норберт Рёттген Христиан-демократик иттифоқи ташқи сиёсат эксперти сифатида Эрондаги ҳокимият тизимини “максимал заифлашган террорчи режим” деб атаган ва бу Эрон аҳолиси ҳамда минтақавий хавфсизлик учун ижобий натижа бўлиши мумкинлигини билдирган.

Инес Швердтнер Сўл партия вакили сифатида Германия канцлери Фридрих Мерцни Эронга берилган зарбаларни халқаро ҳуқуқни бузиш деб очиқ айтмаганликда танқид қилган. У ташқи кучлар томонидан режим алмаштириш урушни янада кучайтиришини таъкидлаган.

Эслатиб ўтамиз, аввалроқ Британия ва Германия Исроилга ёрдам кўрсатиш учун ўз кучларидан фойдаланишга тайёр эканликларини эълон қилганди.