Кениядаги сув тошқинлари 88 кишининг ўлимига сабаб бўлди

Кениядаги сув тошқинлари 88 кишининг ҳаётига зомин бўлди ва минглаб одамлар уйларини ташлаб кетди. Бу ҳақда “Sky News” хабар берди.

Маълум бўлишича, март ойининг бошида бошланган сув тошқинлари оқибатида 34 мингдан ортиқ одам уй-жойини тарк этган ва камида 21 мамлакат одамлари жабр кўрган.

Кения ҳукумати маълумотларига кўра, сув тошқинлари оқибатида ҳалок бўлганлар сони 88 кишига етган. Сув дарё қирғоқларидан ошиб, кўпроқ одамларнинг кўчиб кетишига сабаб бўлган.

23 март куни Кениянинг ғарбий қисмидаги Няндо дарёси тошиб, Керичо-Аваси-Кисуму йўли бўйлаб жойлашган Аҳеро кўпригининг бир қисмини сув босган ва минтақадаги транспорт ҳаракатини тўхтатган.

Ҳукумат ҳайдовчиларни сув босган йўлдан қочишга ва муқобил йўлларни излашга чақирган.

Кения Қизил Хоч Жамияти бошчилигидаги қутқарув ишлари энг кўп зарар кўрган ҳудудларда кучайтирилган.

Няндо ҳудудида қутқарув гуруҳлари 200 дан ортиқ одам ва 200 дан ортиқ чорва молларини эвакуация қилган.

Эслатиб ўтамиз, аввалроқ Франция кетма-кет кучли ёмғир ва қишки бўронлар ортидан рекорд даражадаги сув тошқини хавфи билан юзма-юз турганлиги ҳақида хабар берилганди.