Хитойда 73 киши порахўрлик учун футболдан умрбод четлатилди

Хитой расмийлари Хитой футбол ассоциацияси (ХФА) собиқ раиси Чэнь Сюйюаня ва миллий терма жамоанинг собиқ бош мураббийси Ли Те ва 71 кишини футбол билан боғлиқ фаолиятдан умрбод четлатди. Бу ҳақда Хитой Марказий телевидениеси (CCTV) хабар берди.  

Телеканал маълумотига кўра, бугун, 29 январь куни Спорт бош бошқармаси, Жамоат хавфсизлиги вазирлиги ва Хитой футбол ассоциацияси томонидан футболдаги коррупция масалаларига бағишланган қўшма матбуот анжумани бўлиб ўтган.

“Халқ суди томонидан айбдор деб топилган Чэнь Сюйюаня ва Ли Те каби етмиш уч киши футбол билан боғлиқ ҳар қандай фаолиятда иштирок этишдан умрбод четлатилди”, дейилади CCTV баёнотида. 

Таъкидланишича, 13 та клуб ҳам жаримага тортилган. Шунингдек, CFA мусобақалари бўйича собиқ директор Хуан Сун 7 йил, ХФА собиқ вице-раиси Ли Юйи 11 йил, Хитой терма жамоасининг собиқ бош мураббийси ва “Эвертон”нинг собиқ ярим ҳимоячиси Ли Те порахўрлик учун умрбод қамоқ жазосига ҳукм қилинган. 

Маълумот учун, Хитой 2022 йил ноябрь ойидан буён футболдаги коррупцияга қарши кенг кўламли кампанияни давом эттирмоқда. Таҳлилчиларнинг таъкидлашича, ушбу кампания давомийлиги ва ҳибсга олишлар сони бўйича рекорд ўрнатган ва Хитой футболи тарихидаги энг йирик коррупцияга қарши чора бўлган.

Хитой Халқ Республикаси Раиси Си Цзиньпин илгари коррупция Хитой Халқ партиясининг ҳаётийлиги ва жанговар самарадорлигига таҳдид солувчи энг хавфли куч эканлигини таъкидлаган. У шунингдек, коррупцияга қарши кураш бир лаҳза ҳам тўхтамаслигини, партия ҳеч қачон коррупцияга тоқат қилмаслигини билдирган.