Кроуфорд WBC камаридан маҳрум этилди

Бутунжаҳон бокс кенгаши (WBC) Теренс Кроуфордни суперўрта вазн тоифасидаги чемпионлик камаридан маҳрум қилинди. Ташкилот бу қарорга америкалик боксчи сўнгги икки жангида белгиланган санкция тўловларини амалга оширмагани сабабли келган. Бу ҳақда “Тalk sport" нашри хабар берди.

WBC президенти Маурисио Сулаймоннинг айтишича, Кроуфорд жорий йилнинг сентябрь ойида Сауль “Канело” Альваресга қарши жанг учун 50 миллион доллар ишлаб топган ва жангга рухсат берилиши учун гонорарининг 0,6 фоизини (300 минг долларни) ташкилотга тўлаши керак эди. Бироқ Кроуфорд бу тўловни тўламаган. Кроуфорд 2024 йилнинг август ойида суперўрта вазнда Исроил Мадримов устидан қозонган ғалабаси учун ҳам санкция тўловини рад этган. Шу тариқа, WBC'нинг суперўрта вазн тоифасидаги чемпионлик унвони бўш қолди.

WBC қарорига кўра, энди муваққат чемпион Кристиан М’Билли ва британиялик Ҳамза Шираз бўш турган жаҳон чемпионлиги учун жанг қилади.

 Лестер Мартинес эса кейинроқ ғолиб билан мажбурий даъвогар сифатида тўқнаш келади.