Левандовский Мессининг Чемпионлар лигасидаги рекордини такрорлади

“Барселона”нинг 37 ёшли польшалик ҳужумчиси Роберт Левандовский UEFA Чемпионлар лигасида клуб афсонаси Лионель Мессига тегишли тарихий натижани такрорлади. Бу ҳақда “365 Scores” портали хабар берди.

Манбага кўра, Левандовский Европа Чемпионлар лигаси турнирида 40 та турли клуб дарвозасини ишғол этган. Шу орқали у ушбу турнирда энг кўп турли жамоаларга гол урган футболчилар рейтингида Месси билан тенглашди.

Левандовскийнинг ушбу юбилей голи “Копенгаген”га қарши учрашувда киритилди. Польшалик ҳужумчи баҳснинг 48-дақиқасида рақиб дарвозасини ишғол этиб, жамоасининг 4:1 ҳисобидаги ғалабасига муносиб ҳисса қўшди. Рейтингда кейинги ўринда португалиялик юлдуз ҳужумчи Криштиану Роналду жой олган бўлиб, у Чемпионлар лигасида 38 та турли клубга қарши гол урган.

Эслатиб ўтамиз, “Барселона”нинг “Копенгаген”га қарши ўйиндаги ғалабаси жамоага Чемпионлар лигаси нимчорак финал босқичига тўғридан тўғри йўл олиш имконини тақдим этганлиги ҳақида хабар берилган эди.