Мадагаскардаги стадионда юз берган тиқилинчда 12 киши ҳалок бўлди
Олам
−
26 Август 2023 6290 1 дақиқа
Мадагаскар пойтахти Антананариву шаҳридаги стадионда юз берган тиқилинч оқибатида камида 12 киши ҳалок бўлди, 80 га яқин киши жароҳат олди. Бу ҳақда “Agence France-Presse” хабар берди.
Маълумотларга кўра, XI Ҳинд океани ўйинларининг очилиш маросимига томошабинлар келган ва стадионга кираверишда бир неча юз кишилик оломон тўпланган. Ўйинни томоша қилиш учун жами 50 минг киши борган.
Юз берган тиқилинч оқибатида 12 киши ҳалок бўлган, 80 га яқин киши жароҳат олган. Жароҳатланганларнинг 11 нафарининг аҳволи оғир.
Воқеа жойида фавқулодда хизматлар ва полиция ходимлари иш олиб бормоқда. Жароҳатланганлар шифохоналарга етказилган.
Аянчли оқибатларга олиб келган тиқилинч сабаблари ўрганилмоқда.
Live
БарчасиШавкат Мирзиёев Рамазон ҳайити ва Наврўз байрамини кўтаринки руҳда ўтказиш зарурлигини билдирди
18 Март
Туроператорларга жалб қилинган 1 минг хорижий турист учун 5 минг долларгача субсидия берилади
18 Март
