Путин Эрдўған билан учрашди (видео)

Бугун, 12 декабрь куни Россия Президенти Владимир Путин Туркманистоннинг Ашхобод шаҳрида Туркия Президенти Ражаб Тойиб Эрдўған билан учрашди. Бу ҳақда РИА Новости хабар беради.

Россия ва Туркия раҳбарлари Ашхободга “Халқаро тинчлик ва ишонч йили”, Халқаро бетарафлик куни ҳамда Туркманистоннинг доимий бетарафлик мақоми берилганининг 30 йиллигига бағишланган форумда иштирок этиш учун борган. Етакчиларининг учрашуви тафсилотлари ҳали эълон қилинмаган.

Қайд этиш жоиз, Путин ва Эрдўғаннинг аввалги учрашуви жорий йилнинг сентябрь ойида Хитойда Шанхай ҳамкорлик ташкилотининг 25-саммити доирасида бўлиб ўтган эди. Ноябрь ойи охирида эса лидерлар телефон орқали мулоқот қилиб, Украина атрофидаги вазият юзасидан, жумладан, АҚШнинг тинчлик бўйича таклифлари контекстида фикр алмашган.

Эслатиб ўтамиз, аввалроқ Ашхободдаги форум доирасида Ўзбекистон Президенти Шавкат Мирзиёев ва Владимир Путин тадбир бошланишидан аввал оёқда туриб суҳбатлашгани ҳақида хабар берилган эди.