“Сан-Паулу” жамоаси жаримага тортилди

Бразилия чемпионатининг 15-туридан ўрин олган “Сан-Паулу” – “Коринтианс” учрашувида мезбон жамоа мухлисларининг ноўрин қўшиқлари сабабли Сан-Паулу Олий спорт суди (STJD) “Сан-Паулу” жамоасига 100 000 Р$ миқдорида жарима жазосини тайинлади. Бу ҳақда “Noataque” нашри хабар берди.

Клуб жаримага тортилганини ўзи эълон қилди ва футболдаги вазиятдан хабардорликни ошириш мақсадида ижтимоий тармоқларда мурожаат қилиб, мухлисларини бундай хатти-ҳаракатлардан тийилишга чақирган.

Суд маълумотларига кўра, “Сан-Паулу” мухлислари томонидан ижтимоий тармоқларда тарқатилган баъзи видеоларда “ҳақоратли ва камситувчи мазмундаги қўшиқлар” акс этган. Клуб ўз баёнотида бундай хатти-ҳаракатлар “Сан-Паулу” қадриятларини акс эттирмаслигини таъкидлаб, мухлисларга огоҳлантириш берди. Улар, бундай эпизодлар “қаттиқ спорт жазоларига, шу жумладан стадиондаги устунликни йўқотишга ва Бразилия Спорт адолати кодексида назарда тутилган бошқа санкцияларга” олиб келиши мумкинлигини эслатди.

Қизиқ томони шундаки, ўйинни бошқарувчи ҳакам Андерсон Даронко расмий ҳисоботида бу воқеани тилга олмаган.“Коринтианс” жамоаси эса трибунадан янграган ҳақоратомуз ҳайқириқлар бўйича расмий шикоят билан чиққан. STJD қарорига кўра, “Сан-Паулу” жамоасига Бразилия спорт адолати кодексининг 243-Г моддаси ва Рақобат тўғрисидаги умумий низомнинг 135-моддаси 1-банди бўйича айблов қўйилган.

Эслатиб ўтамиз, аввалроқ Португалия футбол федерацияси (FPF) Тартиб-интизом кенгаши “Порту” клубига “Бенфика”га қарши ўтказилган дербида мухлисларнинг ноўрин хатти-ҳаракатлари сабабли 30 855 евро миқдорида жарима белгилаган эди.