Зеленский Украинага ядровий қуролларни топширишга чақирди

Украина Президенти Владимир Зеленский Ғарб давлатлари Украинага хавфсизлик кафолатлари доирасида ядро қуроли бериши кераклигини айтди. Бу ҳақда “Политика страны” Telegram-канали хабар берди.

Унинг таъкидлашича, Россия ядро давлат бўлгани учун кўпчилик бу давлат билан урушда ғалаба қозониш қийин деб ҳисоблайди.

“Украина учун қандай хавфсизлик кафолатлари бўлиши керак? НАТОми? Ядро қуролими? Унда бизга очиқ айтишсин: Биз сизга НАТО ҳам берамиз, ядро қуроли ҳам берамиз, деб”, дея таъкидлаган Зеленский.

У, шунингдек, ҳозиргача Украина ҳамкорларидан ҳеч бири ядро қуроли масаласини кўтармаганини қўшимча қилган.

27 март куни АҚШ Давлат котиби Марко Рубио G7 саммити иштирокчиларига (Францияда бўлиб ўтган) Украина фақат уруш тугагандан кейин Ғарбдан хавфсизлик кафолатларини олишини билдирган.

Зеленский Рубио билан учрашувдан сўнг, урушни 2026 йил охиригача тугатишга умид қилаётганини айтган. Шунингдек, АҚШ Украинага 15 йиллик хавфсизлик кафолатларини таклиф қилган, бироқ Киев бу муддатни икки баравар узоқроқ қилишни хоҳлаётгани қайд этилган.

Эслатиб ўтамиз, Владимир Зеленский 26 март куни олдиндан эълон қилинмаган ташриф билан Саудия Арабистонига етиб борганди.