Amazon минглаб ходимларини ишдан бўшатмоқчи

Дунёдаги энг машҳур компаниялардан бири бўлган АҚШнинг Amazon компанияси 14 000 нафардан ортиқ ходимини ишдан бўшатмқочи. Бу ҳақда компания ўзининг расмий сайтида эълон қилди.

Маълумотларга кўра, Amazon ишдан бўшатилган ходимлар ҳақида қайғуришини, лекин ходимлар аввалдан огоҳлантирилганини таъкидлаб, энди ишчилар фақат  асосий соҳаларда ишга қабул қилинишини айтган.

“Кўпчилик ходимлар компаниямизнинг ривожланишига катта ёрдам бериб, уни мустаҳкамлашга анча куч сарфлади. Биз натижаларни кўряпмиз. Бугун биз эълон қилаётган қисқартиришлар янада кучлироқ бўлиш йўлидаги ишнинг давоми бўлиб, биз мижозларимизнинг ҳозирги ва келажакдаги эҳтиёжлари учун энг муҳим бўлган нарсага инвестиция қилишимизни таъминлаш учундир”, дейилади компания баёнотида. 

Шунингдек, компания 14 000 дан ортиқ ходимлар ишдан бўшатилиши мумкинлигини айтиб, уларга 90 кун давомида вақт берилиши ва бошқа иш топгунгача компания уларни қўллаб-қувватлашини билдирган. Янги иш топа олмаган ёки ишламасликка қарор қилган ходимлар учун компания уларга ишдан бўшатиш тўлови, чет элга юбориш хизматлари, тиббий суғурта имтиёзлари ва бошқаларни ўз ичига олган вақтинчалик ёрдамни таклиф қилган. 

“Агар ходимлар яхши ишлаётган бўлса, нега улар ишдан бўшатилятгани ҳайрон қоларли бўлиши мумкин. Шуни ёдда тутишимиз керак-ки, дунё тез ўзгармоқда. Сунъий интеллект биз интернетдан кейин кўрган энг ўзгарувчан технология бўлиб, у компанияларга ҳар қачонгидан ҳам тезроқ инновациялар қилиш имконини беради. Мижозларимиз ва бизнесда тезроқ ҳаракат қилиш учун биз янада тежамкор бўлишимиз керак”, дейилади компания хабарида. 

Эслатиб ўтамиз, аввалроқ АҚШнинг Amazon компанияси Ўзбекистонда Kuiper спутник интернетини ишга туширишни режалаштираётгани ҳақида хабар берилган эди.

Бунёд Келдибоев