Америкалик эркак тасодифан лотереядан 500 минг доллар ютди

АҚШнинг Огайо штатида эркак унутувчанлиги сабабли лотереяда 500 минг долларлик ютуққа эга бўлди. Бу ҳақда жорий йилнинг 31 октябрь куни UPI хабар берди.

Ғолибнинг сўзларига кўра, у лотереядан ютган 50 долларини олиш учун бозорга йўлга чиққан, бироқ манзилга етиб боргач, чиптани уйда унутиб қолдирганини билган. У вақтни йўқотмаслик учун уйга қайтиш ўрнига худди шу ўйиннинг яна бир чиптасини сотиб олган.

Шундан сўнг, эркак лотереяни машинасида текшириб кўрган ва ҳимоя қатлами остида 500 минг долларлик ютуқни кўриб ҳайратга тушган. У ютган пулини нималарга сарфламоқчи эканини маълум қилган. Эркакнинг айтишича, у қарзларини тўламоқчи, янги автомобиль харид қилмоқчи ва, энг асосийси, иш кунларини камайтириб, оиласига кўпроқ вақт ажратмоқчи.

Эслатиб ўтамиз, аввалроқ АҚШнинг Виржиния штатида яшовчи Кэрри Эдвардс исмли аёл ChatGPT томонидан яратилган рақамлардан фойдаланган ҳолда 150 минг долларлик Powerball совринини қўлга киритганди.