Андижонда она ва бола чегарадан олтин қуймаларини олиб ўтаётганда ушланди
3-саҳифа
−
03 Март 4431 1 дақиқа
Андижон вилоятининг Хўжаобод туманида она ва бола ноқонуний олтин қуймаларини олиб чиқиб кетаётган пайтда тўхтатиб қолинди. Бу ҳақда Давлат хавфсизлик хизмати хабар берди.
Маълум бўлишича, Балиқчи туманида яшовчи, 1985 йилда туғилган аёл ва унинг 20 ёшли қизи умумий баҳоси 819 млн сўмни ташкил этувчи, 7 дона ностандарт шаклдаги, жами 473 грамм олтин қуймаларни кийимлари остига яширган ҳолда олиб ўтишни режа қилган. Аммо, Хўжаобод туманидаги “Дўстлик” чегара божхона пости орқали Қирғиз Республикасига олиб ўтмоқчи бўлган пайтда ушланган.
Ҳозирда қонунбузарларга нисбатан Жиноят кодексининг 182-моддаси (божхона тўғрисидаги қонунчиликни бузиш) 2-қисми “а” банди билан жиноят иши қўзғатилиб, тергов ҳаракатлари бошланган.
Эслатиб ўтамиз, аввалроқ Наманган вилоятида 1,1 млрд сўмлик олтинни чегарадан ноқонуний олиб ўтган шахслар қўлга олингани ҳақида хабар берилганди.
Live
Барчаси
