Баландликка сакрашда жаҳон рекорди янгиланди

Кеча, 15 сентябрь куни швециялик спортчи Арман Дюплантис лангарчўп билан сакрашда жаҳон рекордини яна бир марта янгилади. Токиода бўлиб ўтган енгил атлетика бўйича жаҳон чемпионатида у 6 метр 30 см баландликка сакради. Натижада у учинчи марта жаҳон чемпиони бўлди ва янги жаҳон рекордини ўрнатди. Бу ҳақда BBC хабар берди.

Манбага кўра, 25 ёшли Дюплантис жорий йилнинг 12 август куни Венгрянинг Будапешт шаҳрида ўрнатган ўз рекордини 1 сантиметрга янгилади. Бу натижа билан Дюплантис таяниб сакраш бўйича сўнгги 8 та жаҳон чемпионатида олтин медалга эга чиқмоқда. Швециялик спортчи халқаро енгил атлетика федерацияси томонидан жаҳон чемпионатида олтин медаль соҳибларига бериладиган 70 000 доллардан ташқари жаҳон рекордини ўрнатгани учун яна 100 000 доллар миқдордаги бонус пулларини олади.

Дюплантиснинг барча жаҳон рекодлари рўйхати:

• 6,17 м – 2020 йил 8 февраль (Торун, Польша)
• 6,18 м – 2020 йил 15 февраль (Глазго, Буюк Британия)
• 6,19 м - 2022 йил 7 март (Белград, Сербия)
• 6,20 м – 2022 йил 20 март (Белград, Сербия)
• 6,21 м – 2022 йил 24 июль (Евгений, АҚШ)
• 6,22 м – 2023 йил 25 февраль (Клермон-Ферран, Франция)
• 6,23 м – 2023 йил 17 сентябрь (Евгений, АҚШ)
• 6,24 м - 20 апрель 2024 йил (Хиамен, Хитой)
• 6,25 м – 2024 йил 5 август (Париж, Франция)
• 6,26 м – 2024 йил 25 август (Чорзов, Польша)
• 6,27 м – 2025 йил 28 февраль (Клермон-Ферран, Франция)
• 6,28 м – 2025 йил 15 июнь (Стокголм, Швеция)
• 6,29 м – 2025 йил 12 август (Будапешт, Венгрия)
• 6,30 м – 2025 йил 15 сентябрь (Токио, Япония)

Маълумот учун, Дюплантис 2020 йил февралидан бери лангарчўпда сакраш бўйича дунё рекордчиси ҳисобланади. У Токио Олимпиадаси чемпиони ва Европа чемпиони ҳам саналади.