Балиқчилар қишлоғи жамоаси Швеция чемпиони бўлди

Швециядаги Мьельбю шаҳарчасининг аҳолиси 1400 нафардан кам бўлган балиқчилар қишлоғи жамоаси илк бор Швеция чемпионлигини қўлга киритди. Бу ҳақда “svt sport” нашри хабар берди.

Жорий йилнинг 19 октябрь куни “Мьельбю” клуби сафарда “Гётеборг” устидан 2:0 ҳисобида ғалаба қозониб, чемпионликни муддатидан аввал қўлга киритди. Ғалаба голларини Якоб Бергстрём ва Том Петтерссон киритган. 

Ушбу натижадан сўнг “Мьельбю” турнир жадвалида иккинчи ўриндаги “Хаммарбю”дан 11 очко олдинга чиқиб, учта тур олдин муддатидан аввал чемпионликни кафолатлаган. Ўйиндан сўнг футболчилар олтин шляпалар кийиб, майдонда ғалабани нишонлаган.

Листерландет яриморолида жойлашган “Мьельбю” бутун Сёльвесборг минтақаси томонидан қўллаб-қувватланади. Тахминан 1500 нафар мухлис жамоасини ғалаба ўйини кузатиб борган.

Маълумот учун, “Мьельбю” жамоаси 1939 йилда ташкил этилган бўлиб, мамлакат жанубидаги Сёльвесборг шаҳрида жойлашган. Клуб ўз уй ўйинларини 7 минг томошабинга мўлжалланган “Страндваллен” стадионида ўтказади.