Чехия ҳукумати истеъфога чиқди

Олам

−

06 Ноябрь 2025 visibility2741 timer1 дақиқа

Бугун, 6 ноябрь куни Чехия Бош вазири Петр Фиала бошчилигидаги ҳукумат ўз йиғилишида истеъфога чиқиш тўғрисида қарор қабул қилди. Бу ҳақда ҳукумат раҳбарига таяниб, ČТК хабар берди.

Петр Фиаланинг сўзларига кўра, у бугун, 6 ноябрь куни истеъфо ҳақидаги аризасини мамлакат президенти Петр Павелга топширади. Чехия конституциясига кўра, ҳукумат мамлакат парламентининг қуйи палатаси – Депутатлар палатасининг янги таркиби шакллангач истеъфога чиқади. Ушбу палата сайловлари жорий йилнинг 3-4 октябрь кунлари бўлиб ўтган.

Кутилишича, Президент амалдаги ҳукуматга янги кабинет тузилмагунча ўз вазифаларини бажаришда давом этишни топширади. Янги ҳукумат кечиктирмай, кейинги ой ўрталаригача иш бошлаши керак. Жорий йилнинг 3 ноябрь куни ANO, SPD ва Motorist партиялари октябрь бошидаги парламент сайловларида кўпчилик овозга эга бўлиб, ҳукумат коалициясини тузган.

Мақола муаллифи