“Челси” устози жаримага тортилди

Англиянинг “Челси” жамоаси бош мураббийи Энцо Мареска Премьер-лиганинг 7-тури доирасида “Ливерпул”га қарши ўйиндаги ҳаракатлари учун бир ўйинга дисквалификация қилинди ва жаримага тортилди. Бу ҳақда “The Independent” нашри хабар берди.

Энцо Мареска ўз жамоасининг ғалабасини ҳаддан ташқари ҳиссиёт билан нишонлаганидан сўнг, учрашувнинг асосий вақтига қўшиб берилган дақиқаларида ҳакам томонидан майдондан четлатилган эди. Ўйиндан сўнг мураббий ўзининг нотўғри хатти-ҳаракати учун айбини тан олган.

Англия Футбол ассоциациясининг маълум қилишича, италиялик мутахассис 8000 фунт стерлинг миқдорида жаримага тортилди. Мареска энди жамоасига АПЛ доирасидаги “Ноттингем Форест”га қарши ўйинда бошчилик қила олмайди. Маресканинг четлатилиши жамоанинг сўнгги учрашувларда учта қизил карточка олган футболчилари билан боғлиқ бўлиши мумкин.

Италия матбуотига берган интервьюсида Мареска бу ҳаракатини “инстинктив реакция” деб атаб: “ Менимча қизил карточка бунга арзийди”,  дея изоҳ берди.

Маълумот учун, ҳозирда “Челси” Премьер-лига жадвалида еттинчи ўринда бормоқда ва пешқадам “Арсенал”дан беш очко ортда қолмоқда.