“Дон яна уйқуда”. Трамп Оқ уйдаги тадбир вақтида ухлаб қолди (видео)

АҚШ Президенти Дональд Трамп Оқ уйдаги тадбир вақтида яна ухлаб қолди. Бу ҳақда “9News” хабар берди.

Трамп “Moms.gov” сайти тақдимотига бағишланган тадбирда иштирок этган. Лойиҳа Трамп маъмуриятининг америкалик аёлларни кўпроқ фарзандли бўлишга ундаш кампаниясининг бир қисми ҳисобланади.

Тадбирда шунингдек Medicare ва Medicaid хизмати раҳбари Меҳмет Оз, республикачи сенатор Катие Бритт, хайриячи Оливия Уолтон ва соғлиқни сақлаш расмийлари қатнашган.Маълумотларга кўра, тадбир эрталаб соат 11:00 да бошланган ва Трамп нутқ сўзлаганидан бир неча сония ўтиб кўзларини юмган ҳолда бир неча бор мудраб қолган.

ОАВ бу каби ҳолатлар сўнгги вақтларда тез-тез такрорланаётганини ёзмоқда. Нашр таъкидлашича, бу тунги фавқулодда йиғилиш эмас, балки президентнинг кун давомидаги биринчи расмий тадбири бўлган.

“Ҳатто у тўлиқ ухламаган бўлса ҳам, воқеаларга тўлиқ жалб қилинмагани кўриниб турибди. Қобилиятли президентлар эрталаб соат 11:30 да ухлаб қолмайди”, дейилади хабарда.

Эслатиб ўтамиз, аввалроқ ҳам АҚШ Президенти Дональд Трампнинг йиғилиш пайтида кўзларини юмган ҳолатда тушган суратлари тарқалганди. Трамп ўша куни машҳур озиш дори воситалари нархининг пасайтирилгани ҳақидаги эълон тадбирида иштирок этган.