Энг кўп либоси сотилган футболчилар эълон қилинди

“Барселона”нинг 18 ёшли вингери Ламин Ямалнинг либоси 2025 йилда дунёда энг кўп сотилган футбол формаси бўлди ва бу борада у Лионель Мессидан ўтиб кетди. Бу ҳақда “Score 90” нашри хабар берди.

“Score 90” томонидан эълон қилинган сўнгги маркетинг тадқиқотига кўра, Ламин Ямалнинг либоси дунё бўйлаб 1,315 миллион дона сотилган. Бу кўрсаткич бўйича иккинчи ўринни аргентиналик юлдуз Лионель Месси эгаллади. Унинг “Интер Майами” ва Аргентина терма жамоаси футболкаси 1,278 миллион дона сотилган.

Учинчи ўринни Роберт Левандовски эгаллаган, Польша ҳужумчисининг мухлислари 1,110 миллион дона либос сотиб олган. Ундан кейинги ўринларни “Реал Мадрид” нинг икки ҳужумчиси Килиан Мбаппе ва Винисиус Жуниор  эгаллаган. Мбаппенинг либослар сотуви 1,020 миллион донани ташкил этса, бразилиялик футболчининг эса 992 минг дона футболкаси сотилган.

Эслатиб ўтамиз, аввалроқ Испаниядаги ирқчилик ва ксенофобияга қарши Обсерватория Ламин Ямални ижтимоий тармоқлардаги ҳақоратли постларда энг кўп нафрат нишонига айланган футболчи эканини маълум қилган эди.