Фарғонада йигит танишини пичоқлади, унинг шеригини эса машина босиб кетди

Ижтимоий тармоқларда Фарғона вилоятининг Учкўприк туманидаги автотураргоҳда пичоқбозлик бўлгани ҳақида хабарлар тарқалди. Ҳолат бўйича вилоят Ички ишлар бошқармаси маълумот берди. 

Қайд этилишича, воқеа жорий йилнинг 1 октябрь куни тумандаги автошоҳ бекатида юз берган. 2000 йилда туғилган фуқаро И.И. таниши – 1998 йилда туғилган С.Қ. билан ўрталарида олдиндан мавжуд бўлган низо юзасидан гаплашиб олмоқчи бўлиб, М.А. билан бирга айтилган манзилга борган ва жанжаллашиб кетган. Ўртадаги жанжалда совуқ қурол ёрдамида С.Қ.га тан жароҳати етказилган. 

Воқеага С.Қ.нинг таниши Б.М. аралашиб, ўзининг Еquinox автомашинасида М.А.ни босиб кетган. Оқибатда, С.Қ. ва М.А.лар шифохонага ётқизилган. 

Мазкур ҳолат юзасидан Жиноят кодексининг 25,97-моддаси (қасддан одам ўлдириш) билан жиноят иши қўзғатилган. Воқеага алоқадор шахсларни ушлаш чораси кўрилган. 

Эслатиб ўтамиз, аввалроқ Самарқанд шаҳрида қайнука поччасини ўлдириб, жасадини қопда қабристонга кўмиш учун олиб кетаётган пайт қўлга олинганди.