Франциянинг мундиаль учун таркиби эълон қилинди

Франция терма жамоаси мураббийлар штаби 2026 йилги Жаҳон чемпионатида иштирок этадиган якуний таркибни эълон қилди. Бу ҳақда мамлакат футбол федерацияси хабар берди.

Қайд этилишича, ушбу рўйхатдан Эдуардо Камавингага ҳамда Люка Шевалье жой олмаган. “Реал Мадрид” ярим ҳимоячиси Камавинга ва “Пари Сен-Жермен” дарвозабони Шевальенинг қайдномадан четда қолиши мухлислар орасида катта муҳокамаларга сабаб бўлди.

Маълумот учун, Франция терма жамоаси Жаҳон чемпионати гуруҳ босқичида Сенегал, Ироқ ва Норвегия билан бирга “И” гуруҳидан жой олган. Дидье Дешамнинг шогирдлари мундиални жорий йилнинг 17 июнь куни Сенегал терма жамоасига қарши ўтказади.

Франция терма жамоаси сўнгги икки Жаҳон чемпионатининг финалчиси ҳисобланади. Дидье Дешам бошқарувидаги терма жамоа 2018 йил бош совринни қўлга киритган бўлса, 2022 йилги мундиалда финалда мағлубиятга учраб 2-ўринни эгаллаган эди.