“Қамчиқ”да фура ёниб кетди
3-саҳифа
−
19 Сентябрь 7181 1 дақиқа
Кеча, 18 сентябрь куни “Қамчиқ” довонида Volvo русумли юк автомобили ёниб кетди. Бу ҳақда Тошкент вилояти Фавқулодда вазиятлар бошқармаси хабар берди.
Маълум қилинишича, соат 22:35 да “Қамчиқ” довони ҳудудидан ўтган А-373 автомобиль йўлининг “Водий-Тошкент” йўналишида Volvo русумли юк машинаси ҳаракатланаётганида, унинг тиркамасида ёнғин келиб чиққан. Тиркамада эса қурилиш маҳсулотлари бўлган.
Хабарга кўра, ёнғин-қутқарув экипажлари айтилган манзилга соат 22:47 да етиб бориб, ёнғин соат 23:42 да ўчирилган.
Ёнғин сабаби ва зарари аниқланмоқда. Билдирилишича, ҳодиса оқибатида тан-жароҳати олган фуқаролар тўғрисида мурожаат келиб тушмаган.
Эслатиб ўтамиз, аввалроқ “Қамчиқ” довонида Iveco юк машинаси ёниб кетганди.
Live
Барчаси
