Қоидаларни ўзгартирган бренд 

Ребрендинг фаол маркетинг стратегияси бўлиб, бу бренднинг номи, логотипи, шиори ва албатта ишлаб чиқарилувчи маҳсулотлардаги ўзгаришларни ўз ичига олади. Бозорга мослашмасдан, қоидаларни ўзгартиришни шиор қилиб олган Ziffler компанияси ҳам ребрендингни амалга оширди. Тақдимотга келган инсонларнинг сони кўплигидан ҳам компания ребрендинги ва маиший техникаларнинг янги линиясига бўлган қизиқиш жуда юқори бўлганини англаш мумкин. Тақдимот стартидан аввал бренд менежер Баҳодир Каратаевдан маиший техника бозорида ўз ўрнига эга бўлган бренд нега ребрендингга қўл ургани ва янги техникалар тармоғининг афзалликлари нимадан иборат эканлигини сўраб олдик. 

“Нафақат логотипимиз, балки бренд ранги, стратегияси ва ўз олдимизга қўйган мақсадларимиз ўзгарди. Ҳар бир йўналишда янги технологиялар асосида маиший техника ишлаб чиқаришни йўлга қўйдик. 10 йил ичида олдимизга қўйилган вазифаларга қисман эришдик, мақтовлар эшитдик. Одамлар бизни танлашни бошлади. Биз янада яхшироқ техникалар ишлаб чиқара оламизми, деган саволни ўзимизга бериб, нафақат Ўзбекистонда, балки бутун дунёда ҳам одамлар Ziffler’ни танлаши учун ҳаракат қилишни мақсад қилганмиз”, дейди Каратаев.

Тақдимотда Ziffler томонидан ишлаб чиқарилган янги техникалар тармоғининг қулайлик ва афзалликлари тўғрисида маълумот берилди. Охирги 10 йилда Ўзбекистондаги минглаб оилалар ҳаётининг ажралмас қисмига айланиб улгурган Ziffler энди янгича сифат ва дизайндаги техникалари билан ўз масштабини кенгайтирмоқчи. Замон билан ҳамнафас бўлиш давр талаби ҳисобланади. Бренд ўз техникаларига сунъий интеллектни интеграция қилгани ҳам яхшигина қизиқишга сабаб бўлди.

“Бугунги тақдимотда сунъий интеллект билан интеграция қилинган чангютгич ва совиткичларни намойиш қиламиз. Бу албатта мижозларимизга вақтини тежашга ва янада кўпроқ қулайлик яратишга асос бўлади”, дейди бренд менежер.

Тадбирда Ziffler маиший техникалар тармоғи билан кўп йиллик ҳамкорликни йўлга қўйган тадбиркорлар эсдалик совғалари билан тақдирланди. Энди асосий саволга жавоб топсак. Ребрендинг Ziffler’нинг маҳсулотлари сифати ва нархига қандай таъсир қилади?

“Ziffler нарх ва сифат барқарорлигини ўйлаган ҳолда бозорга кириб келди. Юқори дизайн ва замонавий технологиялар асосида ишлаб чиқарилган техникаларимизнинг нархи айтарли ошмайди. Бугунги тақдимотда 40 тадан ортиқ техникаларни намойиш қилдик ва маҳсулотларнинг 7 тасига сунъий интеллект интеграция қилинган, лекин бу техникаларимизнинг ҳамёнбоплигига таъсир ўтказмайди”, дейди компания ходими. 

Ребрендингни амалга оширган ва янги техникалар авлодини тақдим қилган бренднинг келгуси режалари ҳам албатта, жуда қизиқ.

“Биринчи навбатда Ўзбекистон бозорига охирги технологиялар асосида ишлаб чиқарилган маиший техникаларни татбиқ қилмоқчимиз. Бир пайтлар АҚШ, Япония ва бошқа давлатларнинг техникаларига ҳавас қилардик, бугунги кунга келиб биз улардан орқада қолиб кетаётганимиз йўқ. Тақдимотга келган чет эллик меҳмонлар биз ишлаб чиқараётган техникаларни кўриб, ҳайратда қолди”, дейди Баҳодир Каратаев.

Ziffler келгусида хориж бозорларига кириб боришни ва дунё давлатлари билан ҳамкорликни йўлга қўйишни мақсад қилган.

Батафсил маълумот олиш учун:

Instagram: https://www.instagram.com/ziffleruz/
Facebook: https://www.facebook.com/ziffleruzbekistan
Telegram: https://t.me/zifflergroup

Реклама ҳуқуқи асосида