Колумбия кубоги финалидаги жанжалда 59 киши жароҳатланди (видео)

Кеча, 18 декабрь куни “Индепендьенте Медельин” ва “Атлетико Насьональ” жамоалари ўртасидаги Колумбия кубоги финалида мухлислар ўртасидаги тўқнашувда юзага келди. Оқибатда 59 киши жароҳатланди. Бу ҳақда “el Colombiano” нашри хабар берди.

Маҳаллий полиция маълумотларига кўра, Жароҳат олганлар 59 киши орасида 7 нафар полиция ходими ҳам бўлган.

Медельин мери Федерико Гутьеррес ижтимоий тармоқлардаги баёнотида стадионга келганларнинг аксарияти футбол томоша қилиш учун ташриф буюрганини, бироқ айрим шахслар зўравонликни атайлаб келтириб чиқарганини таъкидлади.

“Стадионга ҳужум қилиш, вайрон қилиш ёки қўрқув уйғотиш мақсадида келган ҳар бир киши қонун олдида жавоб беради. Биз бир нечта одамнинг ҳаммага тегишли бўлган нарсага зарар етказишига йўл қўймаймиз”, дея ёзади у.

Колумбия кубоги финалининг жавоб ўйинида “Атлетико Насьональ” рақиби “Индепендьенте Медельин”ни “Атанасио Хирардот” стадионида 1:0 ҳисобида мағлуб этганидан кейин ушбу зўравонлик бошланган.

Маҳаллий полиция қўмондони Уилям Кастано “Teleantioquia” янгиликлар каналига берган интервьюсида, стадионда текширувлар пайтида офицерлар мухлислардан қурол, машъала ва бошқа хавфли предметларни тортиб олганини маълум қилган.

Эслатиб ўтамиз, жорий йилнинг 26 ноябрь куни Боливия кубогининг чорак финалида “Реал Оруро” ва “Блуминг” ўртасидаги учрашув катта жанжал билан якунланган ва якунда ҳакам 17 та қизил карточка кўрсатилган эди.