Марафон рекордчиси уч йилга дисквалификация қилинди

Аёллар ўртасидаги марафон бўйича жаҳон рекордчиси Рут Чепнгетич уч йилга дисквалификация қилинди. 31 ёшли кениялик спортчи антидопинг қоидаларини бузганини тан олди. Бу ҳақда BBC хабар берди.

Чепнгетич жорий йилнинг июль ойида допинг учун ижобий топширган тест натижасидан сўнг текширув остига олинган эди. Натижада Рут Чепнгетич 3 йилга дисквалификация қилинди. Спорчининг кўплаб натижалари бекор қилинди, аммо Чепнгетичнинг 2024 йилнинг октябрида Чикагода қайд этган (2:09:56) жаҳон рекорди сақлаб қолинди.
Енгил Атлетика антидопинг ташкилоти (AIU) дастлаб тўрт йиллик тақиқни талаб қилган бўлса-да, Чепнгетичнинг қоидабузарликларни тан олгани сабабли жазоси уч йилга қисқартирилди. Шу билан бирга, AIU унинг телефонидан олинган маълумотларни текширишни давом эттирмоқда. AIU унинг 2022 йилга оид шубҳали ҳолатлар мавжудлиги қайд этган.

AIU раҳбари Бретт Клотиэрнинг таъкидлашича, допинг учун ижобий тест билан боғлиқ иш ҳал қилинди, аммо бошқа қонунбузарликлар бор-йўқлиги аниқланиши давом этмоқда. Чепнгетичнинг 28 февраль ва 14 март кунлари топширган намуналарида ҳам допинг излари аниқланган.

Чепнгетич ҳолат юзасидан изоҳ бериб, ижобий тестдан икки кун олдин касал бўлиб, уй хизматчисининг дориларини қабул қилганини айтди. Шу сабабли дастлабки тўрт йиллик тақиқ уч йилга қисқартирилди.

Маълумот учун, дисквалификация жорий йилнинг 19 апрель куни бошланди ва ундан сўнг спортчининг 2025 йилнинг 14 мартидан бери эришган натижалари, мукофотлари ва унвонлари бекор қилинди.