Месси Шоҳруххон билан учрашди (видео)

Бугун, 13 декабрь куни аргентиналик футбол афсонаси Лионель Месси Ҳиндистонга борди. У Калкутта шаҳридаги Cри Бҳуми спорт клубида Ҳиндистоннинг машҳур актёри Шоҳруххон билан учрашди.

Шу ерда Месси ўзининг 21 метр баландликдаги ҳайкалини виртуал тарзда очиб берди. Тадбирда Мессига жамоадошлари Луис Суарес ва Родриго Де Пауль ҳамроҳлик қилишди. 

Шунингдек, машҳур ҳинд актёри Шоҳруххон ва унинг кенжа ўғли Абрам Хон ҳам Мессининг ҳайкали очилиш маросимида иштирок этишди ва тадбирдан сўнг футбол афсонаси билан бирга суратга тушишди.

Малумот учун, Лионель Месси шарафига дунёдаги энг катта деб ҳисобланган 21 метрли темир ҳайкал Калкуттанинг Жанубий Дум-Дум шаҳрида жойлашган ва ҳайкалда Месси қўлида Жаҳон чемпионати кубогини ушлаб турган ҳолда тасвирланган. Ғарбий Бенгал вазири Сужит Босега кўра, ҳайкал атиги 40 кун ичида қуриб битказилган. 

Эслатиб ўтамиз, аввалроқ “Барселона” президенти Жоан Лапорта ҳам клуб афсонаси Лионель Мессининг ҳайкали яқинда “Камп Ноу” ташқарисида ўрнатилишини маълум қилган эди.