“Монако” мухлиси жамоа либосини йиғиш бўйича жаҳон рекордини ўрнатди

“Монако” футбол клубининг мухлиси Жулиэнь Бур жамоасининг камида 1146 та либосидан иборат тўпламни намойиш қилди. Буларнинг барчаси майдонда кийилган ёки ўйинга тайёрланган оригинал либослар бўлган. Шу тариқа Бур жаҳон рекордини янгилади. Бу ҳақда “Маноко” клуби матбуот хизмати хабар берди.

Коллекция либослари Лига 1, Чемпионлар лигаси, Франция кубоги ва де Ла Лига кубоги каби турнирлар давомида тўпланган.

Перформанс марказида футболкалар диққат билан жойлаштирилган бўлиб, улар майдоннинг бурчагидан-бурчагига диагональ шаклида жойлаштирилган ҳолда намойиш этилди. Жулиэнь Бурнинг сўзларига кўра, у 2000 йилдан буён “Монако” футболига муҳаббат билан боғлиқ иштиёқини коллекцияга айлантирган:

“Мен биринчи марта “АЖ Осер” ва “Монако” ўйини учун стадионга боргандим, ўшанда “Монако” Францияда 7- чемпионликни қўлга киритган эди. Шу кундан мен “Монако”га ошиқ бўлдим”, дейди мухлис.

Коллекцияда Давид Трезегенинг 1998 йилги “Манчестер Юнайтед”га қарши ўйиндаги футболкаси, Людовик Жюлининг 2004 йилги Чемпионлар лигаси либоси, Килиан Мбаппенинг Гамбарделла кубоги финалидаги либоси ва Мануэль Амороснинг 1985-86 йилги Франция кубоги ўйини либослари мавжуд.
Жулиэнь Бур коллекциясини биринчи марта очиқ ҳавода намойиш қилди.