Нурсултон Рўзибоевнинг UFC’даги жанги бекор қилинди

Ўзбекистонлик UFC жангчиси Нурсултон Рўзибоев ва америкалик Брайан Баттл ўртасида эртага, 17 август куни АҚШнинг Иллинойс штати Чикаго шаҳрида ўтказилиши режалаштирилган жанг бекор қилинди. Бу ҳақда UFC лигаси матбуот хизмати хабар берди.

Қайд этилишича, Брайан Баттлнинг ўрта вазн тоифаси учун вазни етмаган. Қайд этиш жоиз, Рўзибоев ва Баттл ўртасидаги жанг UFC 319 турнири картасидан сўнгги бир неча кун ичида тушиб қолган учинчи жанг бўлди. 

Маълумот учун, UFC 319 турнири эртага, 17 август куни бўлиб ўтади. Турнирнинг асосий жангида ўрта вазн тоифаси чемпиони Дрикус Дю Плесси ва Хамзат Чимаев октагонга чиқади.

Рўзибоев ММА’да профессионал жангчи сифатида 2014 йилда дебют қилган, 2023 йилда эса UFC’га қўшилган. Унинг статистикасида 36 та ғалаба, 9 та мағлубият мавжуд. Бундан ташқари бир жанг дуранг билан якунланган, яна икки жанг эса ўтказилмаган, деб топилган.