Остон Ўрунов Эрон чемпионатининг энг қиммат футболчисига айланди

Transfermarkt портали Эрон Про лигаси футболчиларнинг бозор қийматларини янгилади. Унга кўра, Ўзбекистон миллий терма жамоаси ва “Персеполис” клуби футболчиси Остон Ўрунов Эрон чемпионатининг энг қиммат футболчисига айланди.

Ихтисослаштирилган футбол сайти футболчиларнинг бозор қийматини янгилаганидан сўнг, Остон Ўруновнинг нархи 2 миллион евро, дея баҳоланди. Иккинчи ўринда 1,8 миллион евро билан “Истиқлол” футболчиси Ясир Асани турибди. Ўзбекистон миллий терма жамоасининг яна бир футболчиси Жалолиддин Машариповнинг бозор қиймати 1,2 миллион еврога баҳоланган ва у умумий рўйхатда 10-ўринни эгаллаган. 

Шунингдек, Одилжон Хамробеков 1 миллион евро, Рустам Ашурматов 700 минг евро ва Ўткир Юсупов 500 минг евро деб баҳоланган.

Эслатиб ўтамиз, аввалроқ Transfermarkt портали Ўзбекистон Суперлигасидаги футболчиларнинг бозор қийматларини янгилаган ва унга кўра, “Насаф” дарвозабони Абдувоҳид Неъматов Суперлиганинг энг қиммат футболчиси сифатида қайд этилганди.