Пентагон раҳбари ҳарбий мақсадларда 12 та Signal чатидан фойдаланган – WSJ

north_east

Махфий чатга журналистни қўшиб қўйган Уолтц Оқ уйдан кетди

Пентагон раҳбари Пит Ҳегсет ҳарбий масалалар учун Signal мессенжерида бир нечта чатлардан фойдаланган. Бу ҳақда манбаларга таяниб, “The Wall Street Journal” хабар берди.

Уларнинг маълумотларига кўра, Ҳегсет камида 12 та чатдан фойдаланган. Чатлардан бирида у ўз ёрдамчиларига ҳарбий амалиётлар ҳақида хорижий ҳукуматларни хабардор қилишни айтган.

Ҳегсет, шунингдек, мессенжердан ОАВдаги чиқишлар, чет эл сафарлари, унинг жадвали ва бошқа махфий эмас, аммо конфиденциаль маълумотларни муҳокама қилиш учун фойдаланган.

Авалроқ “Associated Press” агентлиги Ҳегсетнинг Пентагондаги идораси ўрнатилган хавфсизлик протоколларини четлаб ўтган ҳимояланмаган интернетга кириш нуқтаси билан жиҳозлангани ҳақида хабар берган эди. Вазир Signal'дан фойдаланиш учун ҳимояланмаган канал орқали интернетга кирган.

Аввалроқ “Tha Washington Post”нашри манбаларга таяниб, Ҳегсет Пентагонда уяли алоқа хизмати йўқлигининг ўрнини қоплаш учун ўз компьютерига махфий маълумотларни узатиш учун мўлжалланмаган мессенжер ўрнатганини хабар қилган эди.

20 апрель куни “The New York Times” манбаларига таяниб хабар беришича, 15 март куни Ҳегсет Пентагон ходими бўлмаган рафиқаси Женнифер, унинг укаси Фил ва шахсий адвокати Тим Парлаторе (иккаласи Пентагон ходими) билан суҳбат чоғида Яман ҳусийларига ҳужум қилган  F/A-18 Hornet қирувчиларининг парвоз жадвалини эълон қилган.

Нашрга кўра, жанжал мавзусига айланган АҚШ маъмурияти расмийларининг Signal'даги суҳбатидан фарқли ўлароқ, иккинчи чат Пентагон раҳбари томонидан шахсан яратилган ва унинг атрофидаги ўнга яқин одам иштирок этган. АҚШ Мудофаа вазирининг жамоатчилик билан алоқалар бўйича ёрдамчиси Шон Парнел бу хабарларни рад этган.