“Реал” мухлислари Переснинг истеъфосини талаб қилди
Спорт
−
03 Март 1131 1 дақиқа
Испаниянинг “Реал Мадрид” клуби мухлислари Ла Лиганинг 26-турида “Хетафе”га 0:1 ҳисобида мағлуб бўлинганидан сўнг клуб президенти Флорентино Переснинг истеъфосини талаб қилди. Бу ҳақда CadenaSER нашри хабар берди.
Манбага кўра, учрашув якунлангач, “Сантьяго Бернабеу” стадионидаги трибуналарида “Флорентино истеъфога чиқсин!”, деган шиорлар янграган.
Бу мағлубият “Реал Мадрид”нинг Ла Лигадаги кетма-кет иккинчи мағлубияти бўлди. Шунингдек, янги бош мураббий Альваро Арбелоа учун бу 12 учрашувдан кейинги тўртинчи мағлубият ҳисобланади. Жамоа навбатдаги турда “Сельта”га қарши майдонга тушади. Шундан сўнг мадридликларни Чемпионлар лигасида “Манчестер Cити”га қарши баҳс кутмоқда.
Мазкур ўйиндан сўнг “Реал Мадрид” Испания чемпионати турнир жадвалида 60 очко билан иккинчи ўринда бормоқда. Уларнинг азалий рақобатчиси “Барселона” эса 64 очко билан пешқадамлик қилмоқда.
