Собиқ ташқи ишлар вазирининг укасига суиқасд уюштирилди (видео)
Олам
−
06 Май 7096 1 дақиқа
Кеча, 5 май куни Туркиянинг Анталия вилояти Аланья туманида собиқ ташқи ишлар вазири Мавлуд Човушўғлининг укаси Ойдин Човушўғлига суиқасд уюштирилди. Бу ҳақда “Haber Türk” хабар берди.
Қайд этилишича, тадбиркор 52 ёшли Ойдин Човушўғли ўзига тегишли ёнилғи қуйиш шохобчасидаги офисида ўқ билан яраланган ҳолда топилган. Шифохонага олиб борилган Човушўғли операциядан сўнг жонлантириш бўлимига ётқизилган.
Нашрнинг ёзишича, воқеа содир бўлган куни хорижда бўлган Мавлуд Човушўғли хабарни эшитиши биланоқ Анталияга қайтиш учун йўлга чиққан. Анталия вилояти ҳокими Ҳулуси Шаҳин ҳам шифохонага бориб, Ойдин Човушўғлидан хабар олган.
Шифохонадан олинган сўнгги маълумотларга кўра, унинг соғлиғи оғир аҳволда. Ҳуқуқни муҳофаза қилувчи органлар воқеа содир бўлган офис ва ёқилғи қуйиш шохобчасида текширув ўтказган. Ҳодиса юзасидан тергов ишлари давом этмоқда.
Live
Барчаси
