Тошкент шаҳар ҳокимлиги аҳолини огоҳлантирди (видео)

Бугун, 31 октябрь куни пойтахт бўйлаб кучли шамол кузатилаётгани сабабли Тошкент шаҳар ҳокимлиги аҳолини огоҳлантирди.

Ҳокимликнинг ёзишича, об-ҳаво шароитининг ёмонлашуви сабабли симларнинг узилиши, дарахтларнинг қулаши ва ҳавода чанг миқдори кўпайиши мумкин. Шу сабабли, аҳолидан бир нечта тавсияларга амал қилиш сўралган. Хусусан:

• Автомобилларни дарахтлар ва электр узатиш линиялари остида қолдирмаслик;
• кўчада юришни чеклаш, айниқса аллергия ёки чангга юқори сезувчанлик бўлса;
• шаҳар бўйлаб ҳаракатланишда эҳтиёткор бўлиш.

“Ўзингизни, яқинларингизни ва шахсий мулкингизни асранг”, дейилади хабарда.

Фавқулодда вазиятлар юз берганда ушбу телефон рақамларига мурожаат қилиш сўрлаган: 112, 1055, (71) 212-69-80, (71) 212-69-82.

Эслатиб ўтамиз, аввалроқ Ўзгидромет 31 октябрь куни Ўзбекистоннинг қатор ҳудудларида кучли шамол ва чанг-тўзонлар кузатилиши мумкинлигини хабар қилинганди.