Toshkent shahar hokimligi aholini ogohlantirdi (video)

Bugun, 31 oktyabr kuni poytaxt bo‘ylab kuchli shamol kuzatilayotgani sababli Toshkent shahar hokimligi aholini ogohlantirdi.

Hokimlikning yozishicha, ob-havo sharoitining yomonlashuvi sababli simlarning uzilishi, daraxtlarning qulashi va havoda chang miqdori ko‘payishi mumkin. Shu sababli, aholidan bir nechta tavsiyalarga amal qilish so‘ralgan. Xususan:

• Avtomobillarni daraxtlar va elektr uzatish liniyalari ostida qoldirmaslik;
• ko‘chada yurishni cheklash, ayniqsa allergiya yoki changga yuqori sezuvchanlik bo‘lsa;
• shahar bo‘ylab harakatlanishda ehtiyotkor bo‘lish.

“O‘zingizni, yaqinlaringizni va shaxsiy mulkingizni asrang”, deyiladi xabarda.

Favqulodda vaziyatlar yuz berganda ushbu telefon raqamlariga murojaat qilish so‘rlagan: 112, 1055, (71) 212-69-80, (71) 212-69-82.

Eslatib o‘tamiz, avvalroq O‘zgidromet 31 oktyabr kuni O‘zbekistonning qator hududlarida kuchli shamol va chang-to‘zonlar kuzatilishi mumkinligini xabar qilingandi.