Туркияда қийин аҳволда қолган ўзбекистонлик ортга қайтарилди
Жамият
−
18 Февраль 870 1 дақиқа
Туркиянинг Истанбул шаҳрига иш излаб бориб, қийин ижтимоий вазиятга тушиб қолган Ўзбекистон фуқароси ортга қайтарилди. Бу ҳақда Ўзбекистоннинг Истанбул шаҳридаги Бош консулхонаси хабар берди.
Маълум қилинишича, Бош консулхона фуқаронинг мурожаатини ижобий ҳал этиб, Ўзбекистонга қайтишига кўмаклашган. Унинг қайтиши учун авиачипта харажатлари эса Ўзбекистон мусулмонлари идораси Андижон вилояти вакиллиги томонидан қоплаб берилган.
Шунингдек, Бош консулхона хорижга ишлаш мақсадида бораётган фуқароларни барча ҳужжатлари қонуний тартибда расмийлаштирилишига, текширилмаган ва шубҳали таклифларга ишонмасликка чақирмоқда.
Эслатиб ўтамиз, аввалроқ Россия Федерациясининг турли ҳудудларида қаровсиз қолиб кетган 6 нафар бола Ўзбекистонга қайтарилганди.
Эъзоза Олимова
Live
БарчасиАрманистонда отишма юз берди. Қурбон бор
18 Февраль
