Ўқитувчи 24 ўқувчи қизга жинсий зўравонлик қилганликда айбланмоқда
Олам
−
09 Февраль 13838 1 дақиқа
Кеча, 8 февраль куни Туркиянинг Кожаэли шаҳри Диловаси туманидаги ўрта мактабда 32 ёшли ўқитувчи 24 нафар ўқувчи қизга жинсий зўравонлик қилишда айбланиб ҳибсга олинди. Бу ҳақда “Turkiye Gazetesi” хабар берди.
Маълумотларга кўра, баъзи ўқувчилар ота-оналарига ўқитувчи томонидан таъқиб қилинганликларини айтган. Шундан сўнг ушбу ҳолат мактаб маъмуриятига етказилган.
Мактаб раҳбарияти томонидан ўқувчилар билан ўтказилган суҳбатларда ўтган йил давомида ўқитувчи томонидан 24 нафар қизга нисбатан зўравонлик ҳаракатлари содир этилгани аниқланган.
Ота-оналарнинг шикояти асосида полиция томонидан тергов бошланган. Ўқитувчи эса ҳибсга олиниб, Кандира қамоқхонасига жойлаштирилган.
Эслатиб ўтамиз, аввалроқ Туркия аёлларга нисбатан зўравонликнинг олдини олиш ва унга қарши курашиш бўйича Европа Кенгашининг Истанбул конвенциясидан чиқишини эълон қилганди.
Жамшидбек Амиров
Live
Барчаси
