Ўзбекистон Австралияни мағлубиятга учратди

Бугун, 30 январь куни футзал бўйича Ўзбекистон миллий терма жамоаси Осиё кубогидаги 2-учрашувини ўтказди. Нодир Элибоев шогирдларига бу турда Австралия терма жамоасини 4:2 ҳисобида мағлубиятга учратди.

Учрашувда дастлаб Жиден Ҳарб саккизинчи ва тўққизинчи дақиқаларда гол уриб, Австралияни ҳисобда олдинга олиб чиқди. Шундан сўнг Ўзбекистон терма жамоаси 9-дақиқада Анасхон Раҳматов, 11-дақиқада эса Ихтиёр Ропиевнинг голлари эвазига ҳисобни тенглаштирди.

Биринчи бўлим якунига яқин, 19-дақиқада Илҳом Ҳамроев киритган гол Ўзбекистон терма жамоасига танаффусга ҳисобда олдинда чиқиш имконини берди.

Иккинчи бўлимнинг 38-дақиқасида Музаффар Аҳаджонов учрашувдаги якуний голга муаллифлик қилди. Якунда Ўзбекистон терма жамоаси 4:2 ҳисобида Австралияни мағлубиятга учратди.

Шу тариқа, Нодир Элибоев шогирдлари Осиё кубоги “C” гуруҳи да 4 очко тўплаган ҳолда биринчи ўринга кўтарилиб олди. 

Маълумот учун, гуруҳ босқичидаги сўнги учрашувида Ўзбекистон Япония терма жамоаларига қарши майдонга чиқади. Учрашув жорий йилнинг 1 февраль куни бўлиб ўтиши режалаштирилган.